Fjölskyldumyndir og saga Garðshyrninga

Myndir 1911 til 1942

62 stk.
08.10.2020

Garðshornsbærinn um 1936

Garðshornsbærinn um 1936

Garðshornsbærinn var byggður 1932 og flutt inn í hann fyrir jól það ár.

Garðshorn um 1940

Garðshorn um 1940

Garðshorn um 1940. Helga húsfreyja fyrir dyrum.

Garðshorn um 1940

Garðshorn um 1940

Garðshorn um 1940. Helga hugar að kúm sínum.

Garðshorn fyrir 1940

Garðshorn fyrir 1940

Garðshorn fyrir 1940

Garðshorn 1939

Garðshornsbærinn fáum árum eftir að hann var byggður. Austan við íbúðarhúsið sést í veggi fjárhúshlöðunnar sem var steypt upp 1939.

Garðshorn 1938

Garðshorn 1938. Hér er búið að byggja fjóshlöðuna en ekki fjárhúshlöðuna sem var byggð 1939. Búið er að slétta heimatúnið og nýræktir neðan við skurðinn neðan undir heimatúninu.

Garðshorn um 1942

Garðshorn um 1942

Garðshorn um 1942. Aldur myndarinnar er ágiskun. Hér er komin símalína fram í Ytri-Bægisá þar sem símstöðin var en ekki kominn sími heim á bæina en hann kom ekki fyrr en 1957.

Garðshorn um 1946

Garðshorn um 1946

Garðshorn um 1946. Bretabragginn er kominn á sinn stað en hann kom 1945. Raflínur frá rafstöðinni eru ekki komnar en rafstöðinni var komið upp 1947.

Garðshorn um 1960

Garðshorn um 1960

Garðshorn um 1960. Svo virðist sem búið sé að hækka vegginn framan við gömlu baðstofuna en það var gert um 1960.

Fjárhúsin voru byggð 1939. Ljósa röndin undir framþilinu er steyptur sökkull.

Fjárhúsin um 1960

Fjárhúsin um 1960

Myndin er aðallega merkileg fyrir að hún sýnir taðhlaðann framan við fjárhúsin eftir að búið var að stinga út úr húsunum.

Garðshorn 1967

Garðshorn 1967, myndin er tekin í lok maí eða byrjun júní

Garðshorn 2005

Garðshorn vorið 2005. Búið er að byggja nýtt fjárhús með hlöðu austan við gömlu fjárhúsin, einnig er búið að hækka þakið á íbúðarhúsinu.

Garðshorn 2018

Garðshorn 2018. Nú er komin reiðskemma norðan við gamla fjósið.

Steindór Pálmason á hestbaki

Steindór Pálmason á hestbaki

Myndir er tekin um 1940. Sennilega er myndin tekin niður á túni. Í baksýn eru fjárhús sem stóðu utan og neðan við bæinn í Garðshorni. Enn neðar var hesthúskofi sem stóð að einhverju leyti framyfir 1950. Líklega er þetta Steindór Pálmason sem situr hestinn.

Steindór með hest

Steindór með hest

Vinstra megin á myndinni er hesthúskofi og hægra megin fjárhús. Hesthúsið stóð fram um og yfir 1950.

Garðshornsfólk með gesti

Garðshornsfólk með gesti

Líklega er fólkið á Neðri-Rauðalæk í heimsókn. Gamli Pétur á Rauðalæk og pabbi voru systrasynir. Í öftustu röð lengst til vinstri eru Frímann, Pálmi og Steindór. Framan við þá eru Kristín eldri á Rauðalæk, Helga og Jóhanna og síðan yngri Kristín og loks Óla sem var kaupakona í Garðshorni. Líklega er Kristján lengst til hægri. Konan framan við Helgu og Jóhönnu gæti verið Guðfinna og fremst eru líklega Helga Ingibjörg á Rauðalæk en óvíst er um aðra.

Garðshornsfólk með gesti

Garðshornsfólk með gesti

Líklega er fólkið á Neðri-Rauðalæk í heimsókn. Gamli Pétur á Rauðalæk og pabbi voru systrasynir

Pálmi Guðmundsson

Pálmi Guðmundsson

Pálmi (1876-1947) fæddist í Hraungerði í Hrafnagilshreppi en ólst upp hjá foreldrum sínum á Einarsstöðum í Kræklingahlíð og á Grjótgarði á Þelamörk. Pálmi afi fluttist með foreldrum sínum og eiginkonu frá Grjótgarði í Garðshorn 1899 og var bóndi þar til 1925. Hann átti heima í Garðshorni þangað til í septemberlok 1947 en þá fluttust þau Helga amma til Akureyrar og þar dó Pálmi fáum dögum síðar.

Frímann Guðmundsson

Frímann Guðmundsson

Frímann Guðmundsson (1878-1926) var bróðir Pálma afa. Frímann bjó á móti Pálma í Garðshorni 1905-1908 eða á meðan Pálmi lá þar í berklum. Þá hafði Frímann gifst Margréti E Jónsdóttur frá Laugalandi en þau fluttu í Hamar 1908 og þaðan í Efstaland 1917. Þar bjuggu þau þangað til Frímann lést úr magakrabbameini 1926.

Arnbjörg Guðmundsdóttir

Arnbjörg Guðmundsdóttir

Arnbjörg Guðmundsdóttir (1880-1938) ólst upp hjá foreldrum sínum á Einarsstöðum og Grjótgarði. Hún giftist Valdemar H. Guðmundssyni sem þá bjó á Efri-Rauðalæk en þau fluttust þaðan vestur í Fremrikot í Norðurárdal og þaðan í Bólu í Blönduhlíð þar sem hún dó úr brjóstakrabbameini.

Arnbjörg Guðmundsdóttir

Arnbjörg Guðmundsdóttir

Arnbjörg var systir Pálma afa, fluttist með Valdemar manni sínum vestur í Fremrikot í Norðurárdal og síðan í Bólu í Blönduhlíð. Synir hennar voru Gunnar á Kotum og Guðmundur í Bólu.

Helga Sigríður Gunnarsdóttir

Helga Sigríður Gunnarsdóttir

Helga (1875-1958) fæddist á Sólborgarhóli í Kræklingahlíð. Þegar faðir hennar lést 1879 leystist heimilið upp og hún fluttist með móður sinni og systrum til frændfólks á Syðri-Bægisá. Þar var hún fá ár en fór með Guðrúnu systur sinni í vistir, fyrst á Ytri-Bægisá en síðan á ýmsa bæi í Kræklingahlíð. Hún giftist Pálma afa 1898 og kom með honum í Garðshorn árið eftir og þar var hún húsfreyja til 1947. Síðustu árin átti hún heima hjá Steindóri syni sínum og Jóhönnu dóttur sinni á Akureyri.

Jóhanna Guðrún Pálmadóttir

Jóhanna Guðrún Pálmadóttir

Jóhanna Guðrún Pálmadóttir (1899-1989) fæddist í Garðshorni og ólst þar upp hjá foreldrum sínum til 1923. Hún giftist þá Kristjáni Steinstrup Jónssyni frá Laugalandi og þar bjuggu þau tvö ár, síðan önnur tvö í Garðshorni en síðan til 1944 á Bryta. Þá voru þau enn tvö ár í Garðshorni áður en þau fluttu til Akureyrar þar sem þau bjuggu til æviloka.

Frímann Pálmason

Frímann Pálmason

Frímann Pálmason

Frímann Pálmason

Frímann Pálmason

Frímann Pálmason

Frímann Pálmason

Frímann Pálmason

Frímann (1904-1980) átti heima í Garðshorni til 1973 en síðustu árin bjó hann á Akureyri. Hann var bóndi þar á móti Steindóri bróður sínum 1927-1942 og móðir þeirra var ráðskona hjá þeim nema eftir að Frímann giftist Guðfinnu Bjarnadóttur. Pabbi og mamma bjuggu í Garðshorni til 1968, þá veiktist mamma en pabbi bjó áfram með Sigurði syni sínum til 1973. Eftir það átti hann heima á Akureyri.

Frímann Pálmason

Frímann Pálmason

Ýmsar myndir hafa varðveist af pabba, líklega teknar á ljósmyndastofu á Akureyri

Frímann Pálmason

Frímann Pálmason

Ýmsar myndir hafa varðveist af pabba, líklega teknar á ljósmyndastofu á Akureyri

Frímann Pálmason

Frímann Pálmason

Frímann Pálmason

Frímann Pálmason

Frímann Pálmason

Þessi mynd af pabba tilheyrir vissulega ekki þessu tímabili.

Frímann Pálmason með gemling

Frímann Pálmason með gemling

Fáar myndir eru til frá Garðshorni teknar að vetrarlagi.

Frímann og Steindór með hrúta

Frímann og Steindór með hrúta

Garðshornsbræður með hrúta sína en ekki er vitað til að þetta hafi verið neinir verðlaunahrútar. Þó má það vera.

Bólusetningarvottorð

Bólusetningarvottorð

Bólusetningarvottorð fyrir Frímann Pálmason. Ljósmóðir sveitarinnar, Þórunn Ólafsdóttir, var gift Gísla Friðfinnssyni frá Dagverðartungu en þau bjuggu á Neðri-Vindheimum. Þórunn var skammlíf.

Kári Angantýr Larsen

Kári Angantýr Larsen

Kári var tekinn í fóstur í Garðshorni skömmu eftir fæðingu 1913 og þar ólst hann upp fram um tvítugsaldur eins og eitt systkinanna.

Frímann, Óla og Steindór

Frímann, Óla og Steindór

Frímann og Steindór að leggja upp í reiðtúr ásamt Ólu sem var viðloða Garðshorn um tíma.

Hver svo sem hún var nú. E.t.v. hét hún Ólöf Sigurrós Þórðardóttir f. 1916.

Kaupakona á rakstrarvél

Kaupakona á rakstrarvél

Nokkrar heyvinnuvélar komu í Garðshorn á 4. áratug 20. aldar, allar fyrir hesta. Kaupakonan sem stýrir rakstrarvélinni er óþekkt. Rakstrarvélin var síðar dregin af dráttarvél og þá þurfti tvo til að raka, einn á dráttarvélina og annan á rakstrarvélina.

Steindór á snúningsvél

Steindór á snúningsvél

Hér er Steindór að snúa í flekk með snúningsvél með tveimur hestum fyrir. Síðar var gert beisli við snúningsvélina til að hægt væri að setja hana aftan í dráttarvél.

Steindór við slátt

Steindór við slátt

Steindór hefur beitt tveimur hestum fyrir sláttuvélina. Fyrst eftir að Farmall A kom í Garðshorn 1946 var dráttarvélin látin draga þessa sláttuvél.

Frímann á rakstrarvél

Frímann á rakstrarvél

Rakstrarvélin var notuð til að raka saman þurru heyi en dugði verr til að raka nýslegnu heyi. Rakstrarvélin var lengi notuð eða til a.m.k. 1956 til 1958

Frímann og kaupakona binda bagga

Frímann og kaupakona binda bagga

Heyinu var rakað í föng og þeim raðað á reipi. Töglin voru þrædd í hagldirnar og hert að og haldið á móti svo að þau rynnu ekki til baka gegnum hagldirnar. Síðan var hert að og þá stóð bindarinn uppi á bagganum.

Frímann og kaupakona binda bagga - 2

Frímann og kaupakona binda bagga - 2

Til að herða sem best að bagganum hallaði bindarinn sér aftur og sá sem hélt á móti gat þá fylgt með á loft. Þetta var þó ekki nauðsynlegt en pabbi gerði þetta meira til gamans en af nauðsyn.

Frímann og kaupakona binda bagga - 3

Frímann og kaupakona binda bagga - 3

Þegar reipið var fullhert um baggann var því brugðið þvert yfir hann og taglendarnir hnýttir saman. Áður fyrr voru baggarnir fluttir heim í hlöðu á hestum en á þessum tíma var þeim staflað á vagn sem dreginn var af hesti heim í garð. Kaupakonan á myndunum er óþekkt en hér gengur Pálmi afi framhjá.

Frímann, Kristján og kaupakona

Frímann, Kristján og kaupakona

Hér eru Frímann bóndi, Kristján sonur hans og óþekkt kaupakona að leggja upp í útreiðartúr

Pálmi Guðmundsson á hesti

Pálmi Guðmundsson á hesti

Pálmi Guðmundsson er að koma eða fara en samkvæmt dagbók Frímanns, sonar hans, fór Pálmi afi talsvert á bæi og í kaupstað. Vera má að hann hafi ekki haft heilsu til að vinna erfiðisvinnu eftir að hann hafði legið í berklum í 2-3 ár frá 1905.

Steini, Jóhanna og kýr

Steini, Jóhanna og kýr

Jóhanna er líklega með Pálma í fanginu. Jóhanna og Steini voru í Garðshorni 1944 til 1946. Myndin er tekin við hlið á túngirðingunni ofan við fjárhúshlöðuna.

Steini og kaupamaður

Steini og kaupamaður

Steini og kaupamaður og kýrnar

Kristján Frímannsson á reiðhjóli

Kristján Frímannsson á reiðhjóli

Í dagbókum pabba frá því um 1940 kemur fram að Kristján hafi gert talsvert að því að fara á bæi, félagslyndur ungur maður.

Kristján Frímannsson fermdur

Kristján Frímannsson fermdur

Kristján á fermingardaginn ásamt Gunnrúnu kaupakonu á Neðri-Rauðalæk, hún var líklega frá Ísafirði

Kristján Frímannsson fermdur

Kristján Frímannsson fermdur

Kristján á fermingardaginn ásamt Gunnrúnu kaupakonu á Neðri-Rauðalæk, hún var líklega frá Ísafirði

Kristján Frímannsson og Jana

Kristján Frímannsson og Jana

Kristján ólst upp hjá föður sínum og ömmu frá því hann var fárra mánaða gamall. Hér er hann kominn á unglingsár og vitað er að stúlkan á myndinni var kölluð Jana, hefur líklega heitið Kristjana.

Kristján Frímannsson og Jana

Kristján Frímannsson og Jana

Ekkert er vitað um þessa Jönu

Ólafsfirðingar

Tilgáta er um að þessi börn séu Þorgeir Gunnarsson, Jóhanna Ósk Gunnarsdóttir og Björgvin Óli Gunnarsson. Faðir þeirra hefur þá verið Gunnar Baldvinsson og Guðrúnar Gunnarsdóttur á Búðarhóli á Ólafsfirði.

Haukur Eiríksson og Eiríkur Stefánsson

Haukur Eiríksson og Eiríkur Stefánsson

Eiríkur Stefánsson (1904-1993) var jafnaldri og vinur Frímanns í Garðshorni. Haukur (1930-1963) var sonur Eiríks og Laufeyjar Haraldsdóttur (1907-1957) frá Efri-Rauðalæk. Synir Hauks eru Haraldur skurðlæknir á Akureyri og Eiríkur söngvari.

Ungmennafélagið Vorhvöt var stofnað 1917 og starfaði á Þelamörkinni. Myndin frá 10 ára afmælinu sýnir félaga á þeim tíma, Pabbi og Steindór eru með en þeir voru ekki meðal stofnenda enda pabbi aðeins 13 ára þá. Félagið hélt fundi, var með fótboltaæfingar og byggði félagsheimili í Ási sem notað var sem skólahús um tíma og var sambyggt íbúðarhúsinu. Húsið var rifið 1948 og í staðinn byggður vesturhluti hússins í Ási sem enn stendur.

Kristján Steinstrup Jónsson

Kristján Steinstrup Jónsson

Steini fæddist 1891 á Laugalandi, reyndi fyrir sér með búskap á Auðnum, síðan á hálfum Neðri-Rauðalæk þegar hann var að krækja í Jóhönnu og bjó þá í Garðshorni. Þá var Jóhanna um tvítugt. ára. Þau fluttu út í Laugaland og voru þar 1923-1925 og þar fæddist Reynir. Þau bjuggu í Garðshorni 1925-1927 og síðan í Bryta 1927 til 1944. Voru þá 2 ár í Garðshorni áður en þau fluttu til Akureyrar þar sem þau bjuggu eftir það.

Stofuklukka eftir Jón Júlíus Árnason

Stofuklukka eftir Jón Júlíus Árnason

Jón Júlíus Árnason var þjóðhagasmiður og smíðaði ýmsa muni og gerði við hljóðfæri o.fl. Hann fór tvívegis til Kaupmannahafnar til að læra ljósmyndun og stundaði þá iðju til æviloka.

Aðalsteinn Sigurðsson

Aðalsteinn Sigurðsson

Aðalsteinn á Öxnhóli giftist Elísabetu Haraldsdóttur frá Efri-Rauðalæk. Bornar hafa verið brigður á að myndin sé af Aðalsteini og það er því ekki selt dýrar en keypt var.

Steingrímur Pétursson

Steingrímur Pétursson

Steingrímur var sonur Péturs á Neðri-Rauðalæk og faðir Péturs sem ólst upp þar hjá ömmu sinni.

Hjúskaparvottorð

Hjúskaparvottorð

Hjúskaparvottorð fyrir Guðfinnu og Frímann í Garðshorni

Óþekktir menn

Óþekktir menn